يا قبر أعز إنسان غالي رقد فيـك :: خفف عليه من التـراب الثقيلـي
يا قبر ماني طيب عقـب راعيـك :: اللي رعاني صـار عنـدك نزيلـي
أغليك أنا يا قبر من حب راعيـك :: مرحوم يا راعي الوفـا والجميلـي
ياللي سكنت القبر صوتي يناديـك :: موتك جرح قلبي وهديـت حيلـي
ما أنساك والله لين قبري يوازيـك :: وأعلن من الدنيا العريضه رحيلـي
وأمـوت كـل مـا حـل طاريـك :: كنت أفتكر عمرك معانـا طويلـي
يبكي عليك البيت من عرض أهاليك :: لي دخلت البيـت دمعـي يسيلـي
رحمك الله يا ابو فهد رحمة واسعه واسكنك جنان الفردوس الاعلى
انت ووالدي وكل امواتنا المسلمين
اللهم امين اللهم امين اللهم امين
ليست هناك تعليقات:
إرسال تعليق